Jabi Asurmendi Sainz

Aspaldiko partez, berriz idazten ari naiz beste sarreratxo bat blogean. Izan ere, familiak eta lanak, bloga sortu aurretik susmatzen nuen denbora txikia uzten didate. Hain zuzen ere, gaueko ordu txikietako bakardade eta lasaitasunez baliatzen ari naiz zertxobait idazteko. Honetan, sakeleko telefonoei eta berriz kargatzeko bateriei ekingo diet.

Sakeleko telefonoa

Egungo telefonoak galtzen ari dira beren xede nagusia, telefonoz hitz egitea, alegia, beste erabilpen askoren mesedetan, musika entzun, liburuak irakurri, internetera sartu, argazkiak eta bideoak atera, irratia entzun, jolastu, esku-argia, eta abar eta abar, eta egia esanda, hori guztia oso ondo dago, horrelako gailu txiki batean funtzionalitate horiek guztiak eraman ahal izatea primerakoa da, baina, nire iritiz sakeleko telefonoen bateriek eta bateria horien kargak ez dute aurrera egin neurri berean. Zenbat eta funtzionalitate, kolore eta argi gehiago eduki orduan eta gutxiago irauten du telefonoaren bateriak, eta nire iritziz sakeleko telefonoen sortzaileei, falta zaie, oraingoz behintzat, bateria horiek kargatzeko beste energia iturri batzuk asmatzea, teknikoki ez dut uste oso zaila izango denik eta beste gailu askoz sinpleago batzuk, bide hauteaz baliatzen dira bateria edo pilak kargatzeko edo beren iraupena luzatzeko. Esaterako, erloju arruntak aurki ditzakegu mugimenduarekin edo eguzki energiarekin kargatzen direnak, ez aipatzearren, antzinako eguzki kalkulagailuak. Nola da posible, orain arte, hainbeste aplikazio ezberdinak txertatu  izana sakeleko telefonoetan eta baterien iraupena luzatzeko hain praktikoak eta sinpleak izan daitezkeen bide hauek ahaztu izana? Horrelako gailu eramangarri baterako, logikoa da oraindik mantentzea entxufe baten menpekotasun hutsa kargatu ahal izateko?

Ez dut aipatuko jada, kargagailuen estandarizazioa eta ez marka bakoitzak bere sarrera propioa erabiltzea, eskerrak, hau behintzat aldatuko omen dela 2012rako. Hala bedi.

Jabi Asurmendi Sakeleko telefonoak, Teknologia sakeleko telefonoak, Teknologia

PuntuEus Elkartea eratu da, euskarak eta euskal kulturak Interneten bere domeinu propioa izateko xedearekin. Bidea ez da ez erraza, ez motza izango, baina badaude aurretik, beste lorpenen itxaropena, .cat kataluniar hizkuntza zein kulturarako, kasu.

Ekimenak, zenbait entitateren babesa jaso du, besteak beste: Euskaltzaindia, Kontseilua, EITB, EHU, Euskal Herriko Telekomunikazio Ingeniarien Elkargoa, Euskadiko Informatikako Ingeniarien Elkargo Ofiziala, Euskal Herriko Ikastolen Konfederazioa, Ikastolen Elkartea Partaide IEP, etab.

ICANN ‘Internet Corporation for Assigned Names and Numbers’ da domeinu izenak kudeatzeaz arduratzen den nazioarteko erakundea, eta beraz, erakunde honi aurkeztu beharko zaio .eus domeinua lortzeko eskaria.

Bitartean, norbanakoen atxikimenduak jasotzen ari da PuntuEus elkartea hurrengo web gunean:
http://www.puntueus.org

Norbanakoak ez ezik elkarteak ere atxikidtu daitezke PuntuEus Elkartearekin harremanetan jarriz.

Ala ba! Ez itxaron denbora gehiago eta oraindik ez baduzu egin, zure izena eman http://www.puntueus.org web gunean.

Jabi Asurmendi Ekimenak eus, euskara

Badira egun batzuk, harrituta entzun nuen, Kafe Antzokiari, Bilboko Udalak jarritako isuna baten ondorioz, bi mila euro ordaindu eta atea hilabete batez itxi behar zuela, beste askotan bezala, agian jada ohituta, berriz ere, sumindura sentitu nuen. Baina ez nintzen konturatu zein puntutaraino berria larria zen, betiko desagertu zitekeela entzun nuen arte. Orduan jada, sumindura benetako kezka bihurtu zen.

Guztiaren zergatia, Kafa Antzokian emandako kontzertu batean, lokalaren aforoa gainditu omen zela zen. Zintzoki, eta iritzi pertsonal moduan, Kafe Antzokian diharduen jendea ezagutata, hasiera batetik, zaila suertatzen zitzaidan pentsatzea erea Kafe Antzokiko langileek arriskuan jar zezaketela jendea inongo egoeratan. Zalantzarik ez baneukan ere, prentsaurrekoan Xabier Monasterioren esanak entzun ostean ezinziurrago nengoen, Xabier Monasterio, sekulako pertsona da eta nire konfidantza guztia dauka.

Horretaz aparte, ulertezina da Bilboko Udalaren erabakia, ikuspuntu ekonomikotik zein ikuspuntu kulturaletik. Azken hilabete hauetan, jende asko langabezian geratzen ari den bitartean, tamalezko krisia dela eta, Bilboko Udalari, hamarka lanpostu arriskuan jartzea besterik ez zaio bururatzen. Badirudi, berriro ere, buruarekin bereziki hartutako erabakia ez dela hau. Bestetik, Kafe Antzokiak eta Zenbat Gara Elkarteak, Bilboko beste hainbeste kultur eragileek bezala, Bilbon, euskara eta gure kultura sustatzeko eta babesteko, Bilboko Udalak azaldu ez duen kemena izan du. Hori da hori jokaera! Bilboko Udalak berak, antolatu eta babestu beharrean ekitaldi kultural hauek, suntisarazten du antolatzen dituen elkarte bat. Biba zuek! (ironia).

Hala, bada, espero dut, azkenean Udalak izatea gutxieneko ardura gai honetan eta Kafe Antzokiarekin hitzarmen batera heltzea. Bestela, hutsune handia izango genuke Bilboko euskaldunok. Nahiz eta ziurasko, hau ez den izango Bilboko Udalaren kezka bat, bai, ordea, Bilboko herritar askorena. Izan ere, hau idazten duenak Kafe Antzokiari zor dio euskaraz idaztea eta hortik aurrera euskaraz bizi ahal izatea.

Kafe Antzokia Aurrera!
http://www.kafeantzokia.com

Jabi Asurmendi Iritzia bilboko udala, kafe antzokia, kultura